O A GO RATAGO
Ge o rata o a go ratago,
O ekwa ole mohumi gare ga bahumi,
Ge o rata o a go ratago,
O ekwa o hlomphegile,
Ge o rata o a go ratago,
Go swana le ge o enwa meetse a go hloka selabi.
Ge o rata o a go ratago,
Go swana le ge o nela ke pula ya medupi,
E gore ga nnyane ga nnyane.
Ge o rata o a go ratago,
Le dihlong ga di be gona,
Ge o mmitsa lovey goba moratiwa.
Ge o rata o a go ratago,
Go swana le ge o tsamaya tseleng ya go hloka morotoga,
Ge o rata o a go ratago,
Go swana le go ja dijo tsa sekgwari.
Ge o rata o a go ratago,
Go monate-nate ele ruri
No comments:
Post a Comment